54. Mere Dil Ko Qarar Aa Jaye🐰🐼

Bahut Kuch Sunna Chaha,

Lekin Tumne Kaha Nahi...

Ab Yakin Kar Lenge Hum Bhi,

Kehne Ko Kuch Raha Nahi...

Kisi Ki Majboori Banu,

Ye Mujhe Kab Manzoor Tha...

Hum Mohabbat Me Picha Karte The,

Ye Tumne Samjha Nahi...

Ehsason Se Bhara Hua,

Wo Chehra Jise Mein Dhoondh Rahi...

Wo Mera Sathi Koi Aur Tha,

Bas Meine Ye Samjha Nahi...

Hume Chain Ki Talab Thi,

Tumne Hume Bechain Rakha..

Hume Chain Aa Jata Aisa,

Ek Lafz Tumne Kaha Nahi...

Ab Yakin Kar Lenge Hum Bhi,

Kehne Ko Kuch Raha Nahi....

 

 

         ç PREVIOUS                                     NEXTè

                                              YOUTUBE_LINK

                                 

53. Noor-A-Khuda...⭐🌟....🌠...

Noor-A-Khuda.. Kya Kahun,

Tu Kitna Rehnuma Hai...

Jo Bhi Diya, Jitna Bhi Diya,

Bahut Diya, Tera Shukriya...

Zindagi Ki Aazmaishon Me,

Sath Raha Tu Har Ghadi...

Teri Hi Rehmaton Se,

Har Sidhi Mene Chhadi..

Sab Teri Meherbaniyan,

Jo Bhi Mila Tera Shukriya...

Jab Jab Giri, Tune Sambhala..

Mujhe Andheron Se Bahar Nikala..

Har Ujala Tujh Se Hi Hai,

Un Ujalon Ka Shukriya...

Har Ummid Tujh Se Mili,

Rahatein Bhi Tujhse Hai..

Ek Tuhi Rahbar Hai,

Sab Chahatein Bhi Tujhse Hain...

Tu Hi Mera Hamsaya,

Teri Har Ada Ka Shukriya....

 

         ç PREVIOUS                                     NEXTè

                                         YOUTUBE_Link

52. Pal Pal Dil Ke Paas Tum Rehte Ho🌺...

Wo Jo Kehte The, Pal Pal Ki Khabar Denge Mujhe,

Unhone Mujhe Beqarari Me Chhod Diya...

Wo Jante The,

Unke Bina Jeena Mumkin Nahi...

Fir Kyun Mujhe,

Lachari Me Chhod Diya...

Unke Hone Se Muskurahat Thi,

Mere Ashqon Me..

Har Ahat Pe Unhi Ki,

Raah Dekhi Mere Ashqon Ne...

Unhen Ek Nazar Dekhne Ki,

Chah Ne Mujhe..

Intzar Ki Khhumari Me Chhod Diya...

Wo Kehte The Mein,

Unke Liye Khas Hoon..

Kabhi Tanha Na Chhodenge Mujhe...

Mera Dil Jinke Ujalon se Roshan Tha,

Unhone Mujhe Raat Ki,

Andhiyari Me Chhod Diya...

Wo Jante The, Unke Bina Jeena Mumkin Nahi..

Fir Kyu Mujhe Lachari Me Chhod Diya.....

          

         ç PREVIOUS                                     NEXTè

                                          YOUTUBE_LINK

51. Kabhi Na Kabhi To Miloge🌹

Ye Meherbaniyan Waqt Ki,

Kabhi To Zaya Hongi..

Ki Tumse Milna Muqammal Hoga Mera.....

Mere Khayalon Se Guzar Kar,

Mere Dil Tak To Aa Chuke Ho Tum...

Kabhi To Tere Saath Chalna,

Muqammal Hoga Mera...

Mere Wajood Pe Chaya Hai,

Teri Aashiqui Ka Nasha..

Kabhi To Teri Bhi Rooh Me,

Dhalna Muqammal Hoga Mera...

Ye Ladkhadati Si Zindagi Me,

Jo behkun To Tham Lena Mujhe...

Ye Girna Aur Gir Ke Sambhalna,

Muqammal Hoga Mera....

 

         ç PREVIOUS                                     NEXTè

                                   YOUTUBE_LINK

50. Kya Yahi Pyar Hai..🐰🐼❤️

Tum Yaad Aaye,

Fir Yaad Kuch Nahi Aaya...

Kya Yahi Pyaar Hai ?

Bas Tumhen Socha,

Fir Khayal Kuch Nahi Aaya....

Kya Yahi Pyar Hai ?

Lamhe Guzar Diye Humne,

Bas Ek Teri Tasvir Dekh Kar....

Tu Zehen Me Aaya,

Tere Baad Kuch Nahi Aaya...

Kya Yahi Pyaar Hai?

Humne Suna Tha,

Mohabbat Dard Deti Hai...

Hume To Is Dard Me Bhi,

Qarar Aaya....

Kya Yahi Pyaar Hai?

Guzar Gaya Din,

Tere Sath Baithe Baithe....

Teri Aankhon Me Dekha,

Fir Nazar Kuch Nahi Aaya...

Kya Yahi Pyaar Hai?

Tu Rahe Khush Hamesha,

Bas Yahi Chaha Meine....

Teri Har Muskurahat Se,

Dil Ko Chain Har Baar Aaya...

Kya Yahi Pyar Hai?

Na Rishte Se Na Kisi Wajood Se,

Mohabbat To Rooh Se Hoti Hai...

Jab Kiya To Samajh Aaya...

Haan Yahi Pyar Hai...

Tu Mila To Samajh Aaya...

Haan Yahi Pyaar Hai..


       

         ç PREVIOUS                                     NEXTè

                                                 YOUTUBE_LINK

                                                     

49. Mere Khwabon Me Tu🐼

Meri Nind Me,🌹

Tere Khwab Zinda Hain,

Aur,

Tere Khwaabon Me Mein...

Mere Wajood Me Tu Shamil Hai,

Aur Tere Ehsason Me Mein...

Mere Dard Ki Dawaon Me Tu,

Tere Zakhmon Ke Ilazon Me Mein...

Mere Seene Ki Dhadkano Me Tu,

Teri Mehakti Saanson Me Mein...

Meri Hasraton Me,

Khwahishen Teri,

Aur Teri Khwahishon Me Mein...

Mere Jazbaaton Me,

Farmaishen Teri,

Aur Teri Farmaishon Me Mein...

Meri Aankhon Me Surat Teri,

Tere Chehre Ki Muskano Me Mein...

Mujhme Panapte Arman Tere,

Aur Tere Armano Me Mein...

Jab Tootegi Tumhari Nind,

Sirhane Mujhe Hi Paoge...

Mera Hansta Hua,

Chehra Dekh Kar,

Tum Fir Se Muskuraoge....

Mein Kar Lungi Aankhen Band,

Tum Khwabon Me Aa Jaoge,

Chupa Lungi Nazar Me Tumko,

Fir Kahin Nahi Jaoge....

Kyunki.....

Meri Nind Me Tere Khwaab Zinda Hain...

Aur Tere Khwaabon Me Mein....

  
       

         ç PREVIOUS                                     NEXTè

                                      YOUTUBE_LINK

/div>