77.. Bepanah Pyar hai....

Meine chaha tumhen bepanah,

Apni hadon se Zyada...

Koi puche Kyu.???

To kahungi Ishq hai...

......bas be wajah.....

Socha nahi tha ki pana hai Tumhen,

N jane kaise jud gaya tera mera rasta....

Kya khas hai tum me jo lagte ho sabse alag,

Ya...

Kya khas hai mujhme jo mein kahu ki mein hoon sabse alag....

Kya alag hai hum me,

N tumhe pata n mujhe pata....

Tum kehte ho itna to kisi se n mile,

Jitna mujhse mile...

Par mujhe pata hai,

Mushkil hai intzar ki inteha...

Milna hai to milenge baad Zindagi ke,

Kisi aur jahan mein...

Wo jahan jahan sabka ho,

Mohabbaton se waasta...

 

         ç PREVIOUS                                     NEXTè

                                              YOUTUBE_LINK
 

76... Tere bin mein kuch nahi...

Tujhme jhanka to mein hi mein thi,

Aur mere andar Tu hi Tu....

Ek lamba rasta tay karne wali roushni thi mein.....

Apne hi Andheron me ghum...

Khud ki Rounakon se Anjaan...

Jaise hi Tumse mili,

Roshan hua ek Chand....

Jagmagaya Aasman,

Bas yahi hai meri pehchan...

Bin Tumhare mein Andhera,

Mera Ujala tumse hai....

Bin tumhare mein raat hoon,

Mera savera Tumse hai....

 

         ç PREVIOUS                                     NEXTè

                                              YOUTUBE_LINK

75.. Sanam mere Hamraz

Tanha hai Zindagi mere humraz ban jao,

Karni hain tumse baatein

Mere alfaaz ban jao......

Jo kisi ka n ho wo Andaaz ban jao,

Meri nayi udan ka Agaaz ban jao...

Mere Khwabon ki haqiqat ban jao,

Meri haqiqaton ka mahaz ban jao...

Mere zehen me ghule mile raho,

Meri tanha dhuno ka saaz ban jao...

Jiske noor se roshan rahe ye dil mera,

Mere Khazane ka besh kimti almaz ban jao...

Mere Harf chura lo mere jazbaat ban jao,

Mein rahu khamosh tum meri Awaz ban jao...

Mera wajood ban jao,

Mere sar ka Taaj ban jao...

Tanha hai zindagi mere humraz ban jao...

Karni hai Tumse batein,

Mere Alfaaz ban jao....

         ç PREVIOUS                                     NEXTè

                                              YOUTUBE_LINK

74.. Mein aur Tum

Tum aur mein 

Do Os ki bund jaise

Zindagi ke safar me mile

Jis raah zindagi le gayi...

Chal diye.....

 

Aur fir naaa jane kab

Ek duje me mil kar

Moti ban gaye...

Sagar me sama gaye...

Haan....

Tum aur mein...

Ek ho gaye....

         ç PREVIOUS                                     NEXTè

                                              YOUTUBE_LINK

73. Bholi Si Surat

Dekho n meri Aankhon me,

Ek Chand chupa sa rehta hai...

Mein usme bikhri rehti hoon,

Wo mujhme samaya rehta hai...

 

Uski Soorat bholi hai,

Aankhon se Noor barasta hai...

Jo seene se lag jaye to,

Soya dil fir se dhadakta hai...

Hain duniya ki Ronakein,

Uski ek Muskan mein..

Uske jaisa koi nahi,

Is sare jahan mein..

Hain Lafz uski Khamoshi me,

Aur lafzon me khamoshi hai...

Chupa leta hai apne gham,

Use mujhse Mohabbat aisi hai...

Jo kisi ke paas n ho,

Mein aisi doulat wali hoon...

Tum mile mujhe is jivan me,

Mein sach me Kismat wali hoon...

         ç PREVIOUS                                     NEXTè

                                              YOUTUBE_LINK

72. kaisa ye Ishq hai

******************************

Tum Ehsas ho ,

Tumhara mil jana ishq hai...

Teri dhimi si hansi pe,

Meri rooh ka machal jana ishq hai..

Tere honto se milti julti,

Ghazlon ko gungunana ishq hai...

Aur...

Tumhara Muskurana Ishq hi to hai...

Tere n hone pe,

Dil ka nam hona ishq hai...

Aankhon se chalakte aansuon ko,

Pee jana ishq hi to hai..

Ek din tumhen ,

 

Duniya bhar ki khushiyan dunga..

Soch soch kar kitabon ko padh jana,

Ishq hi to hai...

Tumse naraz hokar ,

Tumhi ko sunana ishq hai...

Fir...

 

Teri Chuppi pe jabardasti hansana,

Ishq hi to hai...

Ishq hi to hai....

         ç PREVIOUS                                     NEXTè

                                              YOUTUBE_LINK