87. Hum kidhar jate

Sab kuch luta k jiske

daman me aake roye the....

Jab usi ne tanha chhoda

To kidhar jate...

Ye to accha hai ki

Muskurane ka hunar sikh liya..

Warna mar jate...

Khiza ki tarah meri shakh se patte

Kaash toot kar bikhar jate...

Kaun jane kisi mousam me hum

Kuch aur nikhar jate...

Tumne kaha hi nahi ki

Main bhi zaruri thi...

Warna hum chand pal

aur theher jate...

Kaun jane us raat ki 

Seher hoti ki n hoti...

Ujale na sahi hum 

andheron se sanwar jate...

Hayate mushkilat jis bhi rang me hoti

Aisa na tha ki hum darr jate...

Tumhen bas haath hi to

Thame rakhna tha mera

Hum har toofan se ubar jate...

Kaash mere arman bhi

Khushbu ki tarah hote...

Hawaon me bah kar

Fizaon me bikhar jate...

Tum door bhi hote to

Afsoos na hota

Meri Duaon ke kafile

Tumhen chhu kar guzar jate...

Meri Duaon ke kafile

Tumhen chhu kar guzar jate...

===================================

        ç PREVIOUS                              NEXTè

======================================

                                           YouTube

86...Mere humsafar.. ( Zindagi ka safar )

==============================

Kab pata chalta hai A Zindagi,

Zindagi ka safar

Jab tum sath ho mere Humsafar...

Nahi afsos mujhe gar,

Aasan h ho raah meri...

Unchi nichi pagdandi saheje,

Badi khoobsurat hai meri rahguzar..

Housle buland hain,

Darte nahi kisi imtehaan se..

Yahi to hai teri Mohabbaton ka asar...

Door door hi sahi par,

Sath sath chalte hain...

Kab juda hui hai kisi sahil se leher...

Khwab Aankhon me,

Zuban par ye dua rehti hai..

Bas yu hi kat jaye tere sath ye umar,

Mere humsafar ..

Mere humsafar...

Kab pata chalta hai A Zindagi,

Zindagi ka Safar...

Jab tum sath ho mere humsafar..

Mere hum safar..

 

         ç PREVIOUS                                     NEXTè

                                              YOUTUBE_LINK

85.. Tum Mujhme Shamil ho

==========================================

Mehka karo ban ke Khushboo,

Tum mere din raat me...

Jalte raho Chiragon ki tarah,

Khwaab me khayalaat me...

Kaise rahu door tumse,

Har pal to sath rehte ho...

Ban ke meri tamannaon ka samandar,

Shamil ho jazbaat me...

Suron se saji mehfil ho tum,

Barson ki Duaon ka hasil ho Tum..

Ban ke meri khushiyon ka zariya,

Tum mile mujhe sougaat me..

 

Kabhi berukhi kabhi wo manaana tera,

Kabhi mere liye mujhi se rooth jana tera..

Har lamha mujhe yaad hai,

Jo guzara humne sath me...

Kuch aur sochu to sochu kaise,

Kuch aur kahu to kaise kahu...

Bas  teri hi to kahaniyan hain,

Meri har ek baat me...

 

         ç PREVIOUS                                     NEXTè

                                              YOUTUBE_LINK 

84.. Lamhe Judaai wale...

=================================

Usko Rukhsat to kiya tha,

magar maloom n tha...

Har khushi le ke chala jayega jane wala...

Jiski baaton se khush gawaar thi Aankhen,

Par Socha n tha..

Ashq yu deke jayega Hansane wala..

Sahej ke ret pe jo banta hai Aksar,

Mita deta hai wo gharonda,

Khud banane wala...

Dushmano ki kya kami,

Par ye bhi sach hai...

Mita deta hai hasti kabhi khud,

Jaan bachane wala...

Jiska hath thaam ke sukun se,

Dil roya tha kabhi...

Jiska kandha mere aansuon ne,

Bhigoya tha kabhi...

Jiske marham ne bhare ghaav,

Kya maloom tha mujhe..

Wahi niklega sabse zyada rulane wala..

Khwahishen hui dafan,

Armaan khaaq ho gaye...

Unke sath jeene ke khwaab,

Raakh ho gaye...

Rooth ke chala gaya,

Mujhe roz manane wala...

Raah me chhod gaya mujhe,

Raasta dikhane wala...

Jiski baaton se khush gawar thi aankhen,

Par socha n tha..

Ashq yu deke jayega Hansane wala...

 

         ç PREVIOUS                                     NEXTè

                                              YOUTUBE_LINK

83.. Sanam mere Hamraaz

==========================================

Tanha hai Zindagi,

Mere humraaz ban jao...

Karni hain tumse batein,

Mere Alfaaz ban jao...

 

Jo kisi ka n ho,

Wo Andaaz ban jao...

Meri nayi udaan ka,

Aghaaz ban jao...

 

Mere Khwaabon ki,

Haqeeqat ban jao...

Meri Haqeeqaton ka,

Mahaz ban jao...

 

Mere Zehen me,

Ghule mile raho...

Meri tanha dhuno ka,

Saaz ban jao...

Jiske noor se roushan,

Rahe ye dil mera...

Mere khazaane ka beshkeemti,

Almaaz ban jao...

Mere harf chura lo,

Mere jazbaat ban jao...

Main rahoon khamosh,

Tum meri Awaaz ban jao...

Mera wajood ban jao,

Mere sar ka Taaj ban jao...

Karni hain tumse batein,

Mere Alfaaz ban jao...

 

         ç PREVIOUS                                     NEXTè

                                              YOUTUBE_LINK

82... Haan Tum badal jaogi

====================================

Haan Tum badal jaogi...

Aaj jitna chahti ho mujhe,

Kal aur zyada chahogi...

Haan tum badal jaogi

Aaj jitne Pyar se Dekhti ho Mujhe,

Us se Zyada Mohabbat kal barsaogi...

Haan tum badal jaogi...

 

Jis apnepan se aaj pukarti ho mujhe,

Kal bhi apne honto pe mera hi naam laogi..

Haan tum badal jaogi.....

Nazar me , Dil me ,

Dhadkan me , Zehen me.

Aaj jitne paas ho,

Kal aur paas aaogi...

Haan Tum badal jaogi....

 

Zindagi ki aazmaishon me kisi jagah,

Tum mud bhi gayi agar...

Kal saamne aake fir,

Mujhse hi takraogi...

Haan Tum badal jaogi...

Tum janti ho in honto ki muskurahat,

Mera Sukoon hai...

Kal aur Zyada Muskuraogi...

Haan tum badal jaogi....

 

Tumhari Aankhon me doob ke,

Khud ko jana hai maine...

Kal is pehchan ko,

Aur aage le jaogi...

Haan Tum badal jaogi...

Aaj bhi Tumhen fikr hai meri,

Is baat se inkaar nahi..

Lekin kal.....

bas Mujh tak simat jaogi...

Haan tum badal jaogi.......

Kal Tum me aur Mujhme,

Koi fark n rah jayega...

Hum ek ho jayenge,

Tum meri Rooh me bas jaogi...

Haan Tum badal jaogi....

Haan Tum badal jaogi....

 

         ç PREVIOUS                                     NEXTè

                                              YOUTUBE_LINK

 

81.. Mere Alfaaz

======================================

=======================================

Likh mere Alfaaz,

Kisi kaghaz ke tukde par....

Aisa na ho ki waqt ke sath,

Mere Alfaaz guzar jayen...

Main Lafz bolungi,

Tum harf likh lena...

Kar kuch aisa ki mere baad bhi,

Mere jazbaat theher jayen...

 

Jo bhi hai wo aaj hai,

Har lamha khushi se bhar le...

Na karna gila kal,

Gar ye waqt guzar jaye...

 

         ç PREVIOUS                                     NEXTè

                                              YOUTUBE_LINK

80. Aa mere paas...

Darte to hain Faaslon se hum,

Inteha Pyar ki magar dete hain...

Bujhe bujhe se hain Tanha hain,

Un Dilon ko hum,

Lamha lamha Mohabbaton

ka asar dete hain...

Kya Maza hai dar badar bhatak k jine me,

Chalo aao tumhen hum apna dar dete hain..

Chhant jayenge ye andhere Tu gam n kar,

Chal teri Raat ko hum apni Seher dete hain..

 

Tere Dil me basa k ab hum rooh apni,

Tujhe gamo me Muskurane ka hunar dete hain..

Ek Muddat se tham rakhi thi

khwahish dil me...

Chalo aaj har Tamanna poori kar dete hain..

 

Tujhe lag meri bhi Umar yahi dua hai meri,

Aa Tere Sine me apni Saansen bhar dete hain..

 

         ç PREVIOUS                                     NEXTè

                                              YOUTUBE_LINK

 

79. Meri Aashiqui Tumhi se hai..

Kuch Adhoore se sapno ke sath,

Poori si Zindagi hai hamari.

Chhoti chhoti si kadiyan Jodti,

Muqammal har Khushi hai hamari....

Tinka tinka bator ke

Ek Aashiyan banaya humne,

Ek Sukune Karwan Jahan

Mehfooz dosti hai hamari...

Kabhi rulati hai kabhi hansati hai

Par Thame rehti hai hume,

Badi khoobsurat dilkashi hai hamari...

Bhatakte fire kahan kahan darbadar

Tufano ko thame hue,

Jo leke aayi Andheron se bahar

Wo Ishq ki Roshni hai hamari...

Pankh failaye Udi Aasma mein

Khud apne nashe me choor,

Har Rang samete hue

Sabse juda Aashique hai hamari...

 

         ç PREVIOUS                                     NEXTè

                                              YOUTUBE_LINK

78.. Tum mile to jeena aa gaya...

दिन काटने के बहाने ढूँढते

ज़िन्दगी जीने का ज़रिया मिल गया।

कभी एक क़तरा जीने को तरसे बहुत,

और जब मिला तो सारा दरिया मिल गया।।

समंदर में छुपे मोती मिले

उलझनों में छुपा सुकून मिला।

अरमान मिले ख्वाहिशें मिलीं

ज़िन्दगी जीने का नज़रिया मिल गया।।

आँखों से बिछड़ते सपने मिले

होंठों से जाती मुस्कान मिली।

वक़्त के साथ हर टूटती डोर को

जोड़े रखने का सिरा मिल गया।।

तेरे धड़कते दिल मे मुझे

कुछ हिस्सा मेरा मिला।

उम्मीद नहीं कुछ और पाने की

साथ मुझे जो तेरा मिल गया।।

           ç PREVIOUS                                          NEXT è

                                                      YOUTUBE_LINK

77.. Bepanah Pyar hai....

Meine chaha tumhen bepanah,

Apni hadon se Zyada...

Koi puche Kyu.???

To kahungi Ishq hai...

......bas be wajah.....

Socha nahi tha ki pana hai Tumhen,

N jane kaise jud gaya tera mera rasta....

Kya khas hai tum me jo lagte ho sabse alag,

Ya...

Kya khas hai mujhme jo mein kahu ki mein hoon sabse alag....

Kya alag hai hum me,

N tumhe pata n mujhe pata....

Tum kehte ho itna to kisi se n mile,

Jitna mujhse mile...

Par mujhe pata hai,

Mushkil hai intzar ki inteha...

Milna hai to milenge baad Zindagi ke,

Kisi aur jahan mein...

Wo jahan jahan sabka ho,

Mohabbaton se waasta...

 

         ç PREVIOUS                                     NEXTè

                                              YOUTUBE_LINK