50. Kya Yahi Pyar Hai..🐰🐼❤️

Tum Yaad Aaye,

Fir Yaad Kuch Nahi Aaya...

Kya Yahi Pyaar Hai ?

Bas Tumhen Socha,

Fir Khayal Kuch Nahi Aaya....

Kya Yahi Pyar Hai ?

Lamhe Guzar Diye Humne,

Bas Ek Teri Tasvir Dekh Kar....

Tu Zehen Me Aaya,

Tere Baad Kuch Nahi Aaya...

Kya Yahi Pyaar Hai?

Humne Suna Tha,

Mohabbat Dard Deti Hai...

Hume To Is Dard Me Bhi,

Qarar Aaya....

Kya Yahi Pyaar Hai?

Guzar Gaya Din,

Tere Sath Baithe Baithe....

Teri Aankhon Me Dekha,

Fir Nazar Kuch Nahi Aaya...

Kya Yahi Pyaar Hai?

Tu Rahe Khush Hamesha,

Bas Yahi Chaha Meine....

Teri Har Muskurahat Se,

Dil Ko Chain Har Baar Aaya...

Kya Yahi Pyar Hai?

Na Rishte Se Na Kisi Wajood Se,

Mohabbat To Rooh Se Hoti Hai...

Jab Kiya To Samajh Aaya...

Haan Yahi Pyar Hai...

Tu Mila To Samajh Aaya...

Haan Yahi Pyaar Hai..


       

         ç PREVIOUS                                     NEXTè

                                                 YOUTUBE_LINK

                                                     

49. Mere Khwabon Me Tu🐼

Meri Nind Me,🌹

Tere Khwab Zinda Hain,

Aur,

Tere Khwaabon Me Mein...

Mere Wajood Me Tu Shamil Hai,

Aur Tere Ehsason Me Mein...

Mere Dard Ki Dawaon Me Tu,

Tere Zakhmon Ke Ilazon Me Mein...

Mere Seene Ki Dhadkano Me Tu,

Teri Mehakti Saanson Me Mein...

Meri Hasraton Me,

Khwahishen Teri,

Aur Teri Khwahishon Me Mein...

Mere Jazbaaton Me,

Farmaishen Teri,

Aur Teri Farmaishon Me Mein...

Meri Aankhon Me Surat Teri,

Tere Chehre Ki Muskano Me Mein...

Mujhme Panapte Arman Tere,

Aur Tere Armano Me Mein...

Jab Tootegi Tumhari Nind,

Sirhane Mujhe Hi Paoge...

Mera Hansta Hua,

Chehra Dekh Kar,

Tum Fir Se Muskuraoge....

Mein Kar Lungi Aankhen Band,

Tum Khwabon Me Aa Jaoge,

Chupa Lungi Nazar Me Tumko,

Fir Kahin Nahi Jaoge....

Kyunki.....

Meri Nind Me Tere Khwaab Zinda Hain...

Aur Tere Khwaabon Me Mein....

  
       

         ç PREVIOUS                                     NEXTè

                                      YOUTUBE_LINK

/div>

48. Dil❤️Ki Lagi Koi Jane Na

Ek Hasrat Hai, Jo Muqammal na Hui...

Ek Dil Ki Lagi,Jo Badalti Nahi..

Kabhi Pal Mein Guzar Jati Hain Kai Sadiyan,

Kabhi Ek Raat Sadiyon Tak Dhalti Nahi..

Kuch To Taa umar Is Roshni Se Rehte Hain Bekhabar,

Ki Har Mehfil Me Ye Shama Jalti Nahi...

Ye Mohabbat Ek Thandi Barf Ke Jaise Jami Hai Zehen Par,

Ki Ye Jalte Hue Sholon Pe Bhi Pighalti Nahi..

Ye Karwayen Mohabbat Bhi Bada Hi Khas Hota Hai,

Har Ek Dil Ki Zami Pe Ye Fasal Palti Nahi..

Ek Buri Adat Ke Jaisa Hai Ye Mohabbat Ka Nasha,

Har Ek Se Ye Bala Sambhalti Nahi..

Ye Ishq Ki Khumari Kar Deti Hai Saradar,

Ek Baar Jo Aaye Rooh Tak Fir Nikalti Nahi...

Ye Viranon Me Bhi Jannat Ka Maza Deti Hai,

Ye Mohabbat Hai Kabhi Dar Badalti Nahi...


        

         ç PREVIOUS                                     NEXTè

                              YOUTUBE_LINK

 

47. Kal Ho Na Ho..

Kisse Sune The, Chahat ke Lekin..

Hota Hai Pyar Kya, Tune Bataya...

Baton Pe Meri, Karke Bharosa..

Bejan Dil Ko Jeena Sikhaya...

Ban Kar Aaye Tum Rehnuma...

Mosam Hua Fir Khushnuma...

Kal Ho Na Ho Ye Wadiyan...

Kal Ho Na Ho Fir ye Sama...

Hona Na Door, Mere Sanam...

Jee Naa Sakenge, Teri Kasam...

Hona Kabhi Ab Dooriyan,

Rahe Dilkashi, Tere Mere Darmiyan...

Kal Ho Na Ho Ye Wadiyan....

Kal Ho Na Ho Fir Ye Sama ...

Kal ho na ho.....🐰


===========================================
          <==Previous                                   Next==>
========================================
                                                    
                                                              YouTube

46.Tum Kahin Kho Gaye Ho...

Dhoondh Rahi Hoon Tumko Tumhin me ....

Tum Kahin Kho Gaye Ho..

Tum Mere Paas Ho...

Khud Se Juda Ho Gaye Ho....

Pehle Tum Lada Karte The...

Sab Haal-A-Dil Kaha Karte The..

Fir Tumne Satana Chhod Diya,

Jane Koun Si Khataon Pe...?

Mujhe Aur Zyada Chahne Lage Ho?

Ya Khud Se Khafa Ho Gaye Ho....

Shayad Tum Mere Paas Ho..

Khud Se Juda Ho Gaye Ho...

Yaad Hain wo Raste.....

Jin Par Chal Kar Humne...

Kitni Sari Batein Ki Thi..

Tanhaiyon Me Sath Sath...

Yaaden Sanjoi Thi Tasviron me..

Wo Tasviren Badi Khamosh Hain Aaj...

Chhalo Unhen Ched Dete Hain. Zara piche jake....

Late Hain Un Lamhon Ko Vapis....

Jinme Humne Jeena Sikha Tha..

Dhoondh Kar Laate Hain Wo Khushnuma Pal ....Jo Piche Chhoot Gaye Hain...

Chalo Ek Nayi Shuruvaat Karte Hain...

Ban Kar Ajnabi Baat Karte Hain...

Tum Mera Haal Puchna Mein Tumhara Pooch Lungi...

Fir Se Mulaqaat Karte Hain....

Ek Baar Firr Safar Sath sath Karte Hain....

Chalo Ek Baar Fir Safar Sath Sath Karte Hain...

=========================================

      <==PREVIOUS                                  NEXT==>

===========================================
YOUTUBE

45. Ek Tu Rehbar Kafi Hai.....🌹

Mein Aaina Kyu Dekhun,

Teri Aankhon ka Samandar kafi hai....

Chahat nahin mujhe,

Mehlon me rehne ki...

Tere Dil me mera ghar kafi hai...

Aaine ne Mujhse,

Jo ki Aashique...

Phool ban gayi tab se,

Meri Zindagi....

Mehakta rahe bas Bage Dil mera,

Tere Chehre ki Tabassum ka wo Manzar kafi hai...

Mein Kyu Ummid karun,

Kisi ke bhi Aane ki...

Raahe Mohabbat me,

Tu humsafar Kafi Hai...

Aur....

Kon Karta hai Parwah,

Zamane ke Zakhmon ki..

Mere har Zakham ka Marham,

Ek Tu Rehbar Kafi Hai....


================================================

<==PREVIOUS                                                               NEXT==>
===============================================
YOUTUBE

44. Tum Mere Ho....

Mehfil Me Mujhe hi dhundoge,

Tanhai me Mujhse Baaten Karoge...

Jab Jab Mujhse Door Rahoge,

Mere bina aur kya Karoge...

Bhool Sakoge na,

Ek Pal bhi mujhko...

Jaldi milne ki Dua Karoge..

Apne Dil ke jazbaaton ki,

Mujhe Yaad karke Dawa karoge...

Jin Palon me,

Mein na milungi...

Unme bhi Tum mere rahoge,

Itna Yakin to hai mujhe Tum par,

Mere Baad bhi Mujhse Wafa Karoge.....


===============================================
        <==PREVIOUS                                               NEXT==>
===============================================
                                                    YOUTUBE

43. Aaina Ho Tum Mera...🐼...

Kya naam doon, Is Tanhai Ko..

Ki Tanha hoke bhi mein Tanha Nahin.

Milwa deti hai Mujhse Mujhe,

Meri hi Tanhai..

Juda Hoke bhi Mein Tujhse,

Kabhi Juda Nahin...

Mein kisi Aaine ka Didar,

Karun bhi to Kyu Karun....

Mein to bas teri Aankhon me Khoobsurat lagti hoon...

Teri Palkon ke Jharokhon me Mehfooz hoon mein,

Tujhse behtar mera Koi Aaina nahin...

Tujhe Socha na ho,

Chaha na ho, 

Dhoondha na ho Khud mein...

Mujhe Yaad hai kisi Lamhe me ,

Aisa Koi Lamha Nahin....





==========================================================
          <==PREVIOUS                                             NEXT==>
=================================================================
                                                   YOUTUBE LINK

42. Mein Sharminda hoon....

=========================================


Tumne mujhko jeena sikhaya,

Bhool gayi thi mein Zinda hoon...

Jab jab khud ko Tadpaya tha,

Har Us baat se Sharminda..

Jab jab khud se door hui mein,

Tab tab khud ko Tanha paya.

Jitni Raaten soyi nahi mein,

Har us Raat se Sharminda hoon.

Kabhi Udasi mein Aankhen nam,

Kabhi mile apnon se Gham.

Jis jis ne Dil Toda mera,

Har us sath se Sharminda hoon.

Koi kaise sabab bataye,

Kyu raas Tanhayi aayi.

Jisne kiya bheed me tanha,

Us halat se Sharminda.

Dil ke Raaz Dafan Dil me hi,

Ek Samandar jaisi khayi.

Jis fitoor ne di Tanhayi,

Us jazbaat se Sharminda hoon...



                   ==================================================
<==PREVIOUS                                                         NEXT==>
==================================================

                                        Youtube_Link




 

41. मैं एहसास हूँ।

   ===================================================


में एहसास हूँ , एहसास ही रहने दो मुझे,

लफ़्ज़ों में पिरो कर मुझे बदनाम न कर।

मैं हवा हूँ , तुझे छू के गुज़र जाउंगी,

मेरे लिए खराब अपनी शाम न कर।

तेरा कसूर था ,तू रहा बीच गैरों के,

तेरा वजूद हिला, मेरे सिर इल्ज़ाम न कर।

ज़िन्दगी ग़ैर के आग़ाज़ पे टिकती कैसे,

ये घर की बात है,इस तरह सरेआम न कर।

हैं कुछ नासूर से मेरे ज़ख्म,

 दिल की तिजोरी में,

ये ख़ज़ाना मेरा महफिलों में नीलम न कर।

कोई नज़र तो राह ताकती होगी तेरी भी,

अपने घर लौट जा, ग़ैर के घर शाम न कर।

ये तमाशाई हर मर्ज तमाशा देखेंगे,

ज़ेहन से काम ले ख़ुद का ये अंजाम न कर।

ये गर्ज़ मन्द कहाँ दर्द समझ पाते हैं,

अपने लम्हात समेट ले ,किसी के नाम न कर।

ज़रा ढूँढ ख़ुद को, कहाँ गुम हुआ है तू,

बचा ले हस्ती अपनी,ख़ुद को यूं गुमनाम न कर।

      ===================================================
     <== PREVIOUS                                                                    NEXT==>
    ===================================================

                                               Youtube_Link